ИлъэскIэ ягъэIэпхъуэ

2020 гъэм бадзэуэгъуэм (июлым) и 24-м Токио къы­щызэIуахын хуея XXXII гъэмахуэ Олимп Джэгухэр зы илъэскIэ ягъэIэп­-хъуащ. Апхуэдэ хъыбар къэIуащ Японием и премьер-министр Абэ Синдзэ­рэ Дунейпсо Олимп Комитетым и Iэтащхьэ Бах Томасрэ вэсэмахуэ зэхуэза иужькIэ.

Сыхьэтым нэблагъэкIэ екIуэкIа зэIущIэм, къи­щы­нэмыщIауэ, хэтащ XXXII гъэмахуэ Олимп, Паралимп Джэгухэм я къызэгъэпэщакIуэ комитетым и тхьэмадэ Мори Ёсирэ, Токио ­къалэм и мэр Коикэ Юри­-кэ, гъэмахуэ Олимп, Паралимп Джэгухэр егъэкIуэ­кIынымкIэ министр Хасимотэ Сэйкэ сымэ.
«Коронавирусым дуней псом зэрызыщиубгъуам къы­хэкIыу икIи спортсменхэм я узыншагъэм шына­гъуэ къытемыхьэн папщIэ сэ къыхэслъхьащ ди деж мы гъэм щыIэну гъэмахуэ Олимпиадэмрэ Паралимп Джэгухэмрэ я пIалъэр зы илъэскIэ ягъэIэпхъуэну», - жиIащ Японием и премьер-министр Абэ Синдзэ зэIу­-щIэ нэужьым. Абы къыхигъэщащ Олимп Джэгухэр Токио 2021 гъэм и гъэмахуэм фIэмыкIыу зэрыще­кIуэкIынур икIи ар щымыгъэIэхэным зыми и гугъу зэримыщIыр.
Мы Олимпиадэр зэра­гъэIэпхъуар нэхъыфIщ. Мылъку­ лей ирамыгъэхьын папщIэ ар пасэу зытраухуа пIалъэм щагъэIамэ, къэрал куэдым я лIыкIуэхэр зэрамыгъэкIуэнур наIуэ хъуа­кIэт. Къапщ­тэмэ, Кана­дэм­рэ Австралиемрэ жа­IакIэт Токио мы гъэм я спортс­менхэм зыкъызэрыщамыгъэлъэгъуэнур. Америкэм  и Штат Зэгуэтхэри, нэ­гъуэщI къэрал куэди абы хуэкIуэрт.

 

Жыласэ Заурбэч

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.