|
Хабзэ нэхъыщхьэм куууэ зыщагъэгъуазэ.
20 февраля, 2020 - 06:48
КъБР-м и курыт школ псоми къикIа ныбжьыщIи 100-м щIигъу щызэхуэсат Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым. Ахэр хэтащ «Урысейм и Конституцэм дытопсэлъыхь» щIалэгъуалэ форумым. Iуэхур къызэзыгъэпэщар еджапIэ нэхъыщхьэм ХабзэмкIэ и клубым хэтхэращ. Абы и мурад нэхъыщхьэр ди щIыналъэм ис ныбжьыщIэхэр къэралым и хабзэ нэхъыщхьэм нэхъ куууэ щыгъэ-гъуэзынрат.
Зэхуэсым хьэщIэ лъапIэхэр кърагъэблэгъат. Абыхэм яхэтащ КъБР-м и Iэтащхьэмрэ Правительствэмрэ я лIыкIуэу КъБР-м и Парламентымрэ суд IуэхущIапIэхэмрэ щыIэ ДыщэкI Мадинэ, КъБР-м и Парламентым Аппаратым и УнафэщIым и къуэдзэ Хьэмыкъуэ Аслъэн, КъБКъУ-м ПравэмкIэ, экономикэмрэ финансхэмкIэ и институтым и унафэщI ГъукIэпщокъуэ Мурат, абы конституцэ, административнэ хуитыныгъэхэмкIэ и кафедрэм и пашэ Багъэтыр Алим. Ахэр ныбжьыщIэхэм яхутепсэлъыхьащ Конституцэм и мыхьэнэм икIи жаIащ ди къэралым и къэкIуэнур нэхъыбэу зэлъыта щIэблэм фIыкIэ зэращыгугъыр.
-Сэ си насып къикIри, сыдэлэжьэну къысхуихуащ УФ-м и Конституцэр зэхэзылъхьа къэрал къулыкъущIэ цIэрыIуэ Къалмыкъ Юрэ. Абы жиIэрейт Конституцэм хуэдэу цIыхум и хуитыныгъэхэмрэ къалэнхэмрэ, къэралым лъабжьэ хуэхъу хабзэхэр быдэу къыщыгъэлъэгъуа дэфтэр зэрыщымыIэр, - къыхигъэщащ и къэпсэлъэныгъэм ГъукIэпщокъуэ Мурат. - Ди Хэкум, абы и хабзэхэм пщIэ хуэтщIу, ахэр къызыхуэтыншэу дгъэзэщIэным дыхущIэкъун хуейщ дэтхэнэри, ди лъэпкъ хабзэхэри щэнхабзэри IэщIыб дымыщIу. Нобэ фызыхэтыну Iуэхугъуэхэр абы хуэгъэп-сащ.
Форумым хэтхэм папщIэ ягъэхьэзыра Iуэхугъуэхэм куэд къызэщIаубыдэрт. Апхуэдэхэт, псалъэм папщIэ, ныбжьыщIэхэм ягъэзэщIа тест лэжьыгъэхэр, тренингхэр, ахэр зыщIэса мастер-классхэр, «Сыт? Дэнэ? Дапщэщ?», «Ди хуитыныгъэхэр», «Конституцэм и мардэхэр» джэгу-зэпеуэхэр, нэгъуэщIхэри.
Махуэ зыбжанэм тегуэшауэ щыта а лэжьыгъэ псоми жыджэру хэлэжьыхьащ школакIуэхэр. Абы зэрыхэтам щыхьэт техъуэ сертификатхэр иужькIэ иратыжащ.
|
28.03.2024 - 09:03 ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ. |
|
28.03.2024 - 09:03 Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм. |
|
27.03.2024 - 13:58 Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I |
|
27.03.2024 - 12:25 Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх |
|
27.03.2024 - 09:03 (ГъащIэ теплъэгъуэ) |
|