Зэхьэзэхуэм кърикIуар къапщытэж.

Бахъсэн щIыналъэм и щIыпIэ администрацэмрэ «Баксанский вестник» газетымрэ я жэрдэмкIэ со­­циаль­нэ рекламэ зэхэгъэувэнымкIэ «ЩIалэ­гъуалэр Iулъ­хьэм, терроризмэм, экстремизмэм и бийщ» зэхьэзэхуэ екIуэ­кIат. Абы кърикIуар къызэщIакъуэжащ.

Зэпеуэр къызэрагъэпэщащ «2017 - 2020 гъэхэм ятещIыхьауэ Бахъсэн щIыналъэм Iулъхьэм щыпэщIэтыным и IуэхукIэ», «2016 - 2020 гъэхэм Бахъсэн щIыналъэм тер­роризмэрэ экстремизмэрэ къыщымыгъэхъуным ехьэ­лIауэ лэжьыпхъэхэр» муниципальнэ программэхэм къы­щыгъэлъэгъуахэр гъэзэщIэным тету.
Зэхьэзэхуэм хэтащ илъэс 18-м къыщыщIэдзауэ 35-м нэс зи ныбжь щIалэгъуалэр. Абыхэм я лэжьыгъэхэр ­къа­гъэлъэгъуащ «Iулъхьэм дрибийщ», «Терроризмэрэ эк­стремизмэрэ щремыIэ» къыхуеджэныгъэхэм щIэту.
- Лэжьыгъэхэр я зэхэгъэувэкIэкIи щIалъхьа гупсысэкIи зэхуэдэтэкъым. Нэхъыбэу гулъытэ зыхуэтщIар щIалэ­гъуалэм я Iуэху бгъэдыхьэкIэм щIэщыгъуагъ зэрыхалъ­хьэ­фарщ, - къыхигъэщащ зэхьэзэхуэм и къэпщытакIуэ гупым и унафэщI Ахъуэбэч Анзор.
Зэпеуэм къыщагъэлъэгъуа лэжьыгъэ 26-м щыщу нэхъыфIу 4 къыхахащ. Абыхэм тету рекламэхэр ягъэ­хьэ­зыра нэужь, щIыналъэм и къуажэхэм щыфIадзэнущ. Зэ­хьэ­зэхуэм щытекIуахэм щIыхь тхылърэ ахъшэ саугъэтрэ иратащ.

ШЫПШ Даянэ.

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.