Кёп болмай Орус география обществону "Тауланы хазнасы" деген жаш тёлю  илму   этнография  лагерини келечилери Черек районда туристле болуучу жерлени жокълагъандыла, ол санда   буруннгу эллеге бла эсгертмелеге да къарагъандыла.

Россейни Ара банкы быйыл 21 июльда (ключевой) ставканы 7,5 процентден 8,5 процентге кётюргенди. Сомну эмда кредитлени багъалары къаллай бир боллукъдула, банклада тутхан ахча ючюн процентле тюрленирикмидиле?

Бу материалны редакциягъа философия илмуланы кандидаты Жангоразланы   Мухаммат ийген эди. Анда сёз алгъын тау эллерибиз къалай къуралгъанларыны юсюнден барады. Бюгюн газетни электрон амал бла чыкъгъан номеринде ол билдириуню басмаларгъа тийишли кёребиз.

«Билим бериу» миллет проектни «Сабийликни навигаторлары» деген Битеуроссей проектини чеклеринде Нальчикни отуз экинчи номерли битеулю билим берген мектебинде биринчи сентябрьден башлап директорну юйретиу эмда сабий жамауат биригиуле бла байламлыкъны бардырыу жаны бла кенгешчилери ишлеп тебирерикд

Къабарты-Малкъар къырал университетде бардырылгъан «Алгебра эмда динамикалы системала» деген Халкъла аралы конференциягъа жюзден аслам белгили алим келгенди. Тюбешиу кеси да А.А.Махневни 70-жыллыкъ юбилейине жораланып озгъанды.

Бюгюнлюкде Нальчикде Донецкден келген сабийле аналары бла солуйдула. Алагъа къонакъбайлыкъ Республикалы сабий реабилитация ара этгенди.

Белгилисича, арт кезиуде республикабызда жангы мектеплени неда алагъа къошакъ халдагъы мекямланы ишлеу андан ары бардырылады. Бу жаны бла Нальчикде да иш бюгюнлюкде къыстау барады.

Къабарты-Малкъарны Регионнга оноу этиу арасы (ЦУР)  бир ыйыкъгъа тёрт жюзден аслам соруугъа къарагъанды. Аланы асламысы «Telegram», «Однаклассники», «ВКонтакте» социал сетьледе кётюрюлген «Инцидент Менеджмент» системаны амалы бла жарашдырылгъан проблемаладыла.  

Бахсан муниципал районну администрациясындан билдиргенлерича, элледе кюзлюк  арпаны  оруп бошай турадыла. Алай бла бусагъатда ол 1085 гектарда кетерилгенди. Орта эсеп бла алып айтханда, бир гектардан 45 центнер чыгъады.    

Тахта кёгетледен неда башха продукциядан консерва этсе, ол аслам заманны бузулмай турады. Бу амал не жаны бла да иги болур дерсе, алай барды анда бир къоркъуу. Аны аты – ботулизмди. Латин тилден «къыйма» деп алай кёчюрюледи.